كنت متردد جدا وانا بشتريها خصوصا انى كان معايا هونور شويس اكس 1 وكان ادئها جميل وكنت خايف اكون بنزل فالمستوى بتاع جودة الصوت والمايك وكمان علشان صحة مستوى السمع شوفت ريفيوهات كتير جدا لحد ماوصلت لشوية حاجات مهمة النسخة R50i هى نفسها p20 و p25 الاختلاف انها اصدارات لدول مختلفة باسماء مختلفة لكن نفس الشكل والموديل والصوت وكل حاجة فأنت اشترى المتاح قدامك على الموقع الارخص فيهم مع العلم ان R50i دى اللى نازلة مصر صوت البيز والتريبل بتاع السماعة جميل جدا حتى اكتر من الهونور اللى كانت معايا حقيقى انبهرت كنت محتار بينها وبين النسخة الاحدث R50i NC ووصلت بعد تجارب ومراجعات للمواصفات ان العزل فى NC مش احسن حاجة كمان الكيس بتاعة السماعات مش هتعرف تركبلها كفر سيليكون حماية لان الظهر بيتفتح علشان تسند عليه الفون R50i فيها جيم موود وده معناه انت بتلعب وسامع الصوت بمزامنة فنفس الوقت بدون تأخير اما النسخة الNC مفيش فيها جيم مود صوت الR50i انقى واحسن والتريبل افضل من النسخة الاحدث كمان الفرق الوحيد هو ان ساعات التشغيل اكتر شوية بدل 30 هتبقى 45 و noise cancelation عزل الضوضاء افضل شوية بسبب ان فيه مايكين زيادة لكن غير كده R50i افضل طبعا متاح جرابات اشكال والوان بس فيه نقطة ان الجراب بلزق دبل فيس فظبطه كويس جدا لان كتر الفك والتركيب هتبوظ الكفر السيليكون ويبقى ضعيف بتيجى بدلاية شكلها محترم جدا للتعليق وانك تمسكها منها طبعا بتيجى راكبة فالسماعة فلازم تخلعها قبل ماتركب الكفر وتركبها من فوق الكفر شكلها شيك جدا ومش كبيرة فالجيب فسهل تشيلها العلبة عليها مكان فيه QR كود هتعمله سكان بالموبايل هيفتحلك موقع انكر وتحتالكود على العلبة مكان تخربشه وتاخد الارقام تدخلها فالموقع اللى فتحته وهيأكدلك السماعة دى اصلية ولا لأ او مستعملة وحد دخل الكود ولا لأ فعجبتنى الحركة دى بصراحة ومش اى حد ياخد باله منها السعر كان مناسب جدا وارخص كتير من النسخة الاعلى NC التطبيق بتاعها تحفة الهونور مكنش ليها تطبيق وده كان مزعلنى كتير لكن الR50i تطبيقها ملان اعدادات وامكانية التحكم فى اوامر التاتش وممكن تتحكم فى الاوامر تخلى اليمين اوامرها مختلفة عن الشمال او زى بعض ايكولايزر واوضاع كتير جدا وتحكم الجيم مود وكمان نسبة الشحن بتاعة السماعة بتظهر لكن الكيس لا الكيس ليها اضاءات ابيض واخضر وفيه فرق اخضر متقطع الشاحن واصل وبتشحن الكيس اخضر ثابت الشحن انتهى وافصل الكيس ابيض ثابت الكيس راكب فيها السماعات وبتشحن ابيض متقطع الشحن قليل فالكيس ومازالت بتشحن السماعات مفيش نور يبقى فصلت خالص وحاول متوصلش للمرحلة دى علشان PMS power management system لما بيلاقى الشحن وصل لنسبة حرجة بيقفل الشحن وممكن السماعة تبوظ خالص معدتش تقبل شحن الا بتدخل فنيين وده مش فالانكر بس ده فكل السماعات المحترمة وده اللى بوظ سماعتى القديمة يعنى الشحن حاسه قل تشحن على طول الشكل الافقى للسماعة بيخليها مناسبة للاستخدام والغطا ميقفلش منك زى الشكل التانى اللى الكيس بتبقى طولية وكمان التنظيف لبنات الشحن والكيس كلها سهل جدا بعكس الكيس بتاعة الشحن الطولية صعبة جدا فالتنظيف العيوب نسبة شحن الكيس لا تظهر العلبة بتاعة السماعة كانت مضغوطة ومتبهدلة شوية ضغطة كمان واعتقد السماعة كانت هتتأثر بس الحمد لله مكنش فيه حاجة بس بسبب ان الكرتونة الخارجية كانت شبه متدمرة مع ان حجمها صغير مش عارف ليه الوضع ده المفروض ان يتكتب ان حاجة ممكن تتعرض للتلف والتعامل معاها بحرص حتى لو صغيرة فالحجم Read more